May 29, 2022

CZBC

THE WAY, THE TRUTH AND THE LIFE!

Baptist Faith & Message

Southern Baptist Upna Guipi

Hih a nuai-a Committee member teng in a bawl

Southern Baptist Convention in 

Kum 2000, June kha 14, ni-a a kipsak a hihi.

Anthony L. Jordan
Executive Director-Treasurer of the Baptist General Convention of Oklahoma

William R. (Bill) Elliff
Pastor of the First Baptist Church, Little Rock, Arkansas

Richard D. Land
President of The Ethics and Religious Liberty Commission of the Southern Baptist Convention

Mary K. Mohler
Homemaker and Director of the Seminary Wives Institute of The Southern Baptist Theological Seminary

Dorothy J. Patterson
Homemaker and adjunct faculty member of Southeastern Baptist Theological Seminary

O. Damon Shook
John G. Sullivan
Executive Director-Treasurer of the Florida Baptist Convention


Zokam tawh a teikhia:

Rev. Eddie Ngin Hang

                   Tuiphumte (Baptists) in Lai Siangtho a um phadiak Christiante a hi uh hi. Tua a hih manin Tuiphum pawlpi a piana kipan Lai Siangtho bulphuha upna thupisak uh hi. Tua upnate tungah thumantakin ding uh hi. 

I. Lai Siangtho 

Pasian in A Kha Siangtho tawh A hu muama A theihsak mite in Lai Siangtho gelh uha Pasian in Amah leh Amah A kipulakna a hihi. Lai Siangtho in kawk bang lo Pasian hong hilhna a hihi. A gelh Pasian hi-in mihingte hong hotkhiatna thu, khialna them zong kihel lo thuman thutak hong hilhna a hihi. Tua a hih manin Lai Siangtho khempeuh in thumanin muanhuai hi. Pasian in mihingte thu A khen nading dan hong gen hi. Tua a hih manin Lai Siangtho in Christiante-i kipawlna leh mihingte-i gamtat luheek, biakna upna leh ngaihsutna khempeuh tungah thu a nei, a tawntungin kipa a om ding a hihi. Christ mahmah in Pasian hong kihilna bulpi hi-a Lai Siangtho khempeuh in Christ adingin teci pang uh hi. Pasian thu A khen nading thute hong hilh hi. Tu leh a tawntunga a kip ding, Christian kipawlna phualpi, mihingte gamtatna, upna, biakna thu ngaihsutna khempuh thu a khen ding a hihi. Lai Siangtho khempeuh in Pasian hong kihilna a hi Christ thu teci pang hi. Exodus 24:4Deuteronomy 4:1-217:19Joshua 8:34Psalms 19:7-10; 119:11, 89, 105, 1:40; Isaiah 34: 1640:8Jeremiah 15:1636:1-32Matthew 5:17-18; 22:29Luke 21:33; 24:44-46John 5:3916:13-15; 17:17Acts 2:16ff.; 17:11;  Romans 15:416:25-262 Timothy 3:15-17Hebrews 1:1-24:121 Peter 1:252 Peter 1:19-21.

II. Pasian

                    A nungta tawntung Pasian khat bek om hi. Pasian in pilna nei-in Kha hi-a na khempeuh A piangsak, A bawl, A tankhia, A kemcing, lei leh van A uk Pasian a hihi. Kawk bang vet lo-in siangtho hi; na khempeuhah zong a kisam om vet lo-in kicing hi. Amah sanga a vanglian zaw om lo-in na khempeuh thei hi. A beisa leh tuhuna A bawlsate-i ngaihsutna khempeuh thei khina mailamah zong bang ngaihsun ding uh, cih dongin thei khin hi. Itna sang pen tawh ita, zahtaka A thu i man’ ding a hihi. A tawntungin Pa, Ta leh Kha Siangtho-a hong kihil Pasian in Thum Gawm a hih hangin Amau pianpih khat ciat nei-in a vekin kibang khin hi.

IIA. Pa Pasian

              Pa Pasian in A bawlsa lei leh vante, mihing, ganhing leh a nungta na khempeuh leh mihingte tangthu dung zui-in hehpihna tawh a kisapna khempeuh sik hi. Vangletna khempeuh nei-in na khempeuh thei hi. Itna kicing nei hi. Pilna khempeh nei hi. Jesu Christ upna tawh Pasian ta a suakte khempeuh tungah A kician mahmah Pa a hihi. Mi khempeuh tungah Pa lungsim nei hi. Genesis 1:12:7Exodus 3:14; 6:2-3; 15:11ff.; 20:1ff.; Leviticus 22:2Deuteronomy 6:4; 32:61 Chronicles 29:10Psalm 19:1-3Isaiah 43:3,15; 64:8; Jeremiah 10:10; 17:13; Matthew 6:9ff.; 7:1123:928:19Mark 1:9-11John 4:245:26;  14:6-1317:1-8Acts 1:7; Romans 8:14-151 Corinthians 8:6Galatians 4:6Ephesians 4:6; Colossians 1:151 Timothy 1:17Hebrews 11:612:91 Peter 1:171 John 5:7.

IIB. Tapa Pasian

           Christ in a tawntungin Pasian Ta a hihi. Jesu Christ mi banga A pian’ ciangin Kha Siangtho in nungak siangtho Mary gaisaka hong piang a hihi. Jesu in Pasian hong lakin a mong a khekin Pasian thu mang hi. Mihing lim la-in mihing bang taktakin hong pianga a hih hangin mawhna baang vet lo hi. Singlamteh tungah A sih dongin Pasian thukham mangin mihingte tanga A sihna tawh mihingte hong tankhia hi. Vangletna tawh a kidim pumpi tawh sihna pan kithokiksakin A sih ma pumpi mah tawh A nungzuite tungah kilang hi. Vantungah kahto-a tu-in Pasian taklamah kiphatin om hi. Pasian leh mihingte hong lemtuah thei Amah bek oma Pasian taktak hi-in mihing taktak zong a hihi. Leitung thu khen ding leh hong tatkhiatna thu a kicingsak dingin vangletna tawh ni khat ni ciang hong kumsuk ding hi. Tu laitakin Amah a umte sungah a nungta Topa-in teng hi.  Genesis 18:1ff.; Psalms 2:7ff.; 110:1ff.; Isaiah 7:14Isaiah 53:1-12Matthew 1:18-23; 3:17; 8:29; 11:27; 14:33; 16:16,2717:52728:1-6,19Mark 1:13:11Luke 1:35; 4:41; 22:70; 24:46John 1:1-18,29; 10:30,3811:25-2712:44-5014:7-1116:15-16,2817:1-521-22; 20:1-20,28Acts 1:92:22-247:55-569:4-5,20Romans 1:3-4; 3:23-265:6-218:1-3, 34; 10:41 Corinthians 1:30; 2:28:6; 15:1-8,24-282 Corinthians 5:19-218:9Galatians 4:4-5Ephesians 1:203:114:7-10Philippians 2:5-11Colossians 1:13-222:9

1 Thessalonians 4:14-181 Timothy 2:5-6; 3:16; Titus 2:13-14; Hebrews 1:1-34:14-157:14-289:12-15,24-28; 12:213:8; 1 Peter 2:21-253:221 John 1:7-93:24:14-155:92 John 7-9Revelation 1:13-165:9-1412:10-11; 13:819:16.

IIC. Kha Siangtho Pasian

       Kha Siangtho in Pasian Kha hi-in Pasian mah a hihi. Lai Siangtho a gelh dingin tanglai mi siangthote A hu muam hi. Thuman thutak mihingte theisak hi. Christ pahtawi hi. Mihingte a mawhna uh theisak hi. Thuman theisak hi. Thukhenna zong theisak hi. Mihingte piangthaksak hi. Pianthak hun laitakin thu-um khempeuh Christ Pumpi sungah phum hi. Christian gamtatna damdamin hong neisak hi. Thu-um mite hong hehnem hi. Pawlpi sungah Pasian na a sep theih nadingin thu-um mite siamna pia hi. Ni tawp ni cianga pumpi tatkhiatna ni dong adingin thu-um mite ciamteh hi. Christiante sunga Kha Siangtho A tenna in Christ tawh a kibat nading malep a hihi. Biakpiakna, Pasian nasepna leh Lungdamna thu genna-ah pawlpi leh thu-um mite thu hilhin tha pia hi. Genesis 1:2Judges 14:6Job 26:13Psalms 51:11; 139:7ff.; Isaiah 61:1-3Joel 2:28-32; Matthew 1:18; 3:164:112:28-3228:19Mark 1:10,12Luke 1:35; 4:1,18-19; 11:13; 12:1224:49John 4:2414:16-17, 26; 15:26; 16:7-14Acts 1:82:1-4, 38; 4:31;5 :3; 6:3; 7:55; 8:17, 39; 10:4  413:215:2816:619:1-6Romans 8:9-11,14-16,26-27

1 Corinthians 2:10-143:1612:3-11,13Galatians 4:6; Ephesians 1:13-144 305:181 Thessalonians 5:191 Timothy 3:164:12 Timothy 1:143:16Hebrews 9:8,142 Peter 1:211 John 4:13; 5:6-7Revelation 1:1022:17.

III. Mihing

           Mihing in a tuam vilvela Pasian hong bawl a hihi. Ama lim leh meel tawh kisunin hong bawl ngiat hi. Na khempeuh A bawl khit ciangin a tung khupna-in numei leh pasal hong bawl hi. Tua a hih manin numei/pasal in Pasian bawlsa nate-i hoihna hong lak hi. A kipat cilin mihing in mawhna nei lo-a A Bawlpa in a ut bangbang teelsak thei hi. Ama ut bang a teel na lamin mihing in Pasian deih loh teel kha-a mihingte sungah mawhna lut hi. Satan khemna hangin mihing in Pasian thukham palsatin mawh nei lo kimlai mawhnei suaka mawhnopna lungsim nei hi. Tua a hih manin mawh bawlte suaka thukhenna thuak ding hi ta hi. Pasian hong hehpihna bek tawh mihingte in mawhna sung pan Pasian kiang zuan kikin Amah tawh hong kilemkiksak hi. Pasian in Ama lim leh meel sunin hong bawla tua in mihingte-i manphatna siangthona hong lak hi; tua manin Christ in mihingte adingin hong si hi; minam cin pan mihing khempeuh in vang nei-in Christian itna leh zahtakna ngah ding a kilawm hi. 

Genesis 1:26-302:5,7,18-2239:6; Psalms 1; 8:3-6; 32:1-5; 51:5; Isaiah 6:5Jeremiah 17:5Matthew 16:26Acts 17: 26-31; Romans 1:19-323:10-18,235:6,12,196:67:14-25; 8:14-18,291 Corinthians 1:21-3115:19,21-22; Ephesians 2:1-22Colossians 1:21-223:9-11.

IV. Hotkhiatna

             Hotkhiatna in mihing pumpi bup tatkhiatna hi-a Jesu Christ Honpa Topa-a a sang mi khempeuh in Ama sisan hangin tawntung tatkhiatna a ngah thei uh a hihi. Hotkhiatna sungah pianthakna (regeneration), midiktanna (justification), sawpsiangna (sanctification) leh a kisia thei lo pumpi ngahna (glorification), a vekin kihel hi. Jesu Christ in Topa hi, ci-a upna lo tawh hotkhiatna kingah thei lo hi.

             A. Pianthakna (regeneration) a hih kei leh suakthakna (new birth) in Jesu Christ sunga mithak suahna hi-a, Pasian in hehpihna tawh A sep a hihi. Kha Siangtho in mawhna hong phawksak ciangin lungsim kikhela kisikkikna leh Topa Jesu Christ upna tawh Pasian kiang zuatna a hihi. Pasian hehpihna ngah nadingin kisikkikna leh upna in kikhen thei lo hi.Kisikkikna in lungsim tak tawh mawhna sung pan Pasian kiang zuatna a hihi. Upna in lungsim pumpi a vekpi-in Jesu Christ Honpa leh Topa-in sanga Pasian tungah ki-apna a hihi.

            B. Diktanna (Justification) in mawhnei mi khat in a mawhna kisikkika Jesu Christ a upna hangin Pasian in Ama thumanna tawh mawhna A maisakna a hihi. Diktanna in thu-um mi leh Pasian hong kilemsak hi.

           C. Sawpsiangna (Sanctification) in pianthakna tawh kipana ama sungah Kha Siangtho tengin gamtatna leh kha lamah a khangcing a suak nadingin Kha Siangtho in tangsik hi. Hehpihna sunga khanna in tawmvei sung bek hi lo-in mihing khat a pianthaka kipan a nuntak sungteng a khangkhang ding a hihi. 

          D. Vanglian Pumpi Ngahna (Glorification) in hotkhiatna tungkhum hi-a hotkhiatsa mite in thupha tawh a kidim, a tawntunga a neih ding a si thei nawn lo pumpi a ngahna a hihi.

Genesis 3:15Exodus 3:14-176:2-8Matthew 1:21; 4:1716:21-2627:22-28:6Luke 1:68-692:28-32John 1:11-14,293:3-21,365:2410:9,28-2915:1-16;17:17Acts 2:21; 4:12; 15:1116:30-3117:30-3120:32Romans 1:16-182:43:23-254:3ff.; 5:8-106:1-23; 8:1-18,29-3910:9-10,1313:11-141 Corinthians 1:18,306:19-2015:102 Corinthians 5:17-20Galatians 2:203:135:22-25; 6:15; Ephesians 1:72:8-224:11-16Philippians 2:12-13; Colossians 1:9-223:1ff.; 1 Thessalonians 5:23-242 Timothy 1:12Titus 2:11-14Hebrews 2:1-35:8-99:24-2811:1-12:8,14James 2:14-261 Peter 1:2-231 John 1:6-2:11Revelation 3:2021:1-22:5.

V. Hehpihna

         Pasian in hong hehpihna tawh mimawhte hong teelin hong piangthaksaka Ama dikna hong tangsakin hong siangthosaka ni tawp ni ciangin a kisia thei nawn lo vanglian pumpi hong guan ding hi. Mihingte in a ut bangbang a teeltheihna tawh kizui-in ni tawp ni cianga a ngah ding hamphatna a theihna tawh zong kituak hi. Pasian hoihna, dikna, phatna tawh hong lak hi. Ciangtan lo-in pila, siangtho-in kikheel themthum lo hi. Kisial lo-in kiniamkhiatna kilangsak hi.  

          Thu-um taktakte in a tawp dongin kip uh hi. Pasian in Christ sunga a san’sa, Kha Siangtho tawh A siansuahsa mite in cikmah hunin hehpihna pan pial khia ngei lo ding uh hi. A tawp dongin um ding uh hi. Dawimangpa khemna leh zulhtatna hangin khial kha thei ding uh hi. Kha Siangtho hehsak kha thei ding uh hi. Hehpihna mansulhsak kha thei ding uh hi. Christ min siasak kha thei ding uh hi. Tua manin amau tung mahmahah tawl khat sung thukhenna tung thei ding hi. A hih hangin Pasian vangletna in amaute-i upna hangin hotkhiatna ni dong kemcing veve ding hi. Genesis 12:1-3Exodus 19:5-81 Samuel 8:4-7,19-22; Isaiah 5:1-7Jeremiah 31:31ff.; Matthew 16:18-1921:28-45; 24:22,3125:34Luke 1:68-792:29-3219:41-44; 24:44-48John 1:12-143:165:246:44-45,6510:27-29; 15:16; 17:6,12,17-18Acts 20:32Romans 5:9-108:28-3910:12-1511:5-7,26-361 Corinthians 1:1-215:24-28Ephesians 1:4-23; 2:1-10; 3:1-11Colossians 1:12-142 Thessalonians 2:13-142 Timothy 1:12; 2:10, 19; Hebrews 11:39–12:2; James 1:121 Peter 1:2-5,132:4-101 John 1:7-9; 2:19; 3:2.

VI. Pawlpi

       Lai Siangtho Thak sunga Topa Jesu Pawlpi in a munmuna tui kiphumsa thu-um mite kipawlna a hihi. Lungdamna thu leh upna tawh kiciama kipawlna a hihi. Topa Jesu in hong vaikhak nam nih: tuiphumna leh nekkhawm bawlna sem khawm uh hi. Pawlpi thukham tawh kipawl khawm uh hi. Kha Siangtho hong piak siamna leh hamphatnate tawh lei mong donga Lungdamna thu gen dingin kipawl khawm uh hi. Pawlpimi khempeuh in pawlpi khat ciatah a tam zaw thukimna tawh Topa Jesu thu mangin sem ciat uh hi. Lai Siangtho Thak hilhna-ah pawlpi sunga nasem dingte in pastor leh pawlpi upate a hi uh hi. Numei pasal in siamna a kibanga a neih uh hangin pasalte bek in pastor sem uh hi. Gam khempeuh, minam khempeuh sung pan a khang a khanga a piangthak mi khempeuh in Lai Siangtho Thak pawlpimi a hi uh hi. Matthew 16:15-1918:15-20Acts 2:41-42,475:11-146:3-613:1-314:23,2715:1-30; 16:520:28Romans 1:71 Corinthians 1:23:165:4-57:179:13-1412Ephesians 1:22-23; 2:19-223:8-11,215:22-32Philippians 1:1; Colossians 1:181 Timothy 2:9-14;  3:1-15; 4:14Hebrews 11:39-401 Peter 5:1-4; Revelation 2-3; 21:2-3.

VII. Tuiphumna leh Nekkhawm

            Christian tuiphumna in Pa min, Tapa min leh Kha Siangtho min tawh thu-um mi khat tui sunga phumna a hihi. Singlamteh tunga a kithat, a kivui, a thokik Honpa nung zui-a thu-um mi khat in zong mawhna lamah si-in nuntakna lui phuma Jesu Christ sunga nuntakna thak tawh kalsuan nading lim Topa Jesu thu manna lahna a hihi. Ni tawp ni cianga misite a thawhkik ding teci panna a hihi. Pawlpimi suahna leh Nekkhawm nek theih nading hamphatna a hihi. Nekkhawm sungah khomun ne-a lenggahtui dawnna in thu manna lim tawh Honpa hong sihna phawkna leh hong pai kik ding lametna a hihi. Matthew 3:13-1726:26-3028:19-20Mark 1:9-1114:22-26Luke 3:21-22; 22:19-20John 3:23Acts 2:41-428:35-3916:30-3320:7Romans 6:3-51 Corinthians 10:16, 21; 11:23-29Colossians 2:12.

VIII. Topa Ni

           Nipi khat sunga ni masa pen ni in Topa ni a hihi. Sihna pan Christ hong thawhkikna phawkna hi-a ni masa ni ta-a mihon kikhawm in a hi zongin khat guak in a om na-ah a hi zongin biakpiakna a hihi. Tua ni-a sepna bawlna khempeuhah Jesu Christ in Topa hi, ci-a   lungsim sungah phawka sep ding bawl ding a hihi. Exodus 20:8-11; Matthew 12:1-1228:1ff.; Mark 2:27-2816:1-7Luke 24:1-3,33-36; John 4:21-2420:1,19-28Acts 20:7Romans 14:5-10I Corinthians 16:1-2; Colossians 2:16; 3:16Revelation 1:10.

IX. Pasian Gam

         Pasian gam in lei leh vante leh a sunga om na khempeuh huama a tuamin a lungsim sungah Pasian To-a a nei mite huam phadiak hi. Naupang banga Jesu Christ upna muanna tawh hotkhiatna a ngah mite Pasian gam sung lut uh hi. Christiante in Pasian gam leitungah hong tun’ nading leh vantungah Topa deihna a kicin’ banga leitungah zong a kicin’ nading nakpi-in thu nget huai hi. Pasian gam hong tun’ nading leh leitung a bei nadingin Jesu Christ hong pai kik ding ngakin i om hi. Genesis 1:1Isaiah 9:6-7Jeremiah 23:5-6Matthew 3:24:8-10,23; 12:25-2813:1-52; 25:31-46;  26:29Mark 1:14-159:1Luke 4:438:19:212:31-3217:20-21; 23:42John 3:318:36Acts 1:6-717:22-31Romans 5:178:191 Corinthians 15:24-28; Colossians 1:13; Hebrews 11:10,1612:281 Peter 2:4-104:13; Revelation 1:6,95:1011:1521-22.

X. A Nunung Nate

         Pasian in hun A sak ciangin Ama thu-in leitung beisak ding hi. Hong ciam kholh bangin Topa Jesu in mihingte muh tangin vangletna tawh leitungah hong pai kik ding hi. Tua ciangin misite thokik ding uh hi. Christ in thumantakin mi khempeuh tungah thu khen ding hi. Mi gilote Hell khuk sungah puakin gawtna thuak den ding uh hi. Midikte a hih leh thaman sang dingin a muat thei nawn lo pumpi tawh tho ding uha vantungah Topa tawh mang khawm tawntung ding uh hi.  Isaiah 2:411:9Matthew 16:2718:8-9;19:28; 24:27, 30, 36, 4425:31-46; 26:64Mark 8:389:43-48Luke 12:40, 4816:19-2617:22-37; 21:27-28John 14:1-3Acts 1:11; 17:31; Romans 14:10

1 Corinthians 4:5; 15:24-28,35-582 Corinthians 5:10Philippians 3:20-21; Colossians 1:53:41 Thessalonians 4:14-185:1ff.; 2 Thessalonians 1:7ff.; 21 Timothy 6:142 Timothy 4:1,8Titus 2:13Hebrews 9:27-28James 5:82 Peter 3:7ff.; 1 John 2:283:2Jude 14; Revelation 1:183:1120:1-22:13.

XI. Lungdamna Thu Genna (Evangelism) leh Mission Nasepna

            Topa Jesu Christ Pawlpi sunga thu-um mi khempeuh in gam khempeuha minam khempeuh  Topa Jesu nungzui a suaksak dingin hamphatna leh sawlna ngah uh hi. Pasian Kha Siangtho tawh a piangthak khempeuh in midangte itna lungsim hong neisak hi. Tua a hih manin Christ in teltaka hong gen mah bangin a piangthaksa khempeuh in kha thu-ah pelmawha mission nasepna panpih ding a hihi. Topa Jesu Christ in gam khempeuh minam khempeuh tungah lungdamna thu hilh dingin hong sawl hi. Pasian ta khempeuh in kam tawh genin a hi zongin, nuntakna mahmah tawh lakin a hi zongin, a hih kei leh mihingte san’ thei ding leh zak theih dingin Christ lungdamna thu gen ding a phamawh a hihi.Genesis 12:1-3Exodus 19:5-6Isaiah 6:1-8Matthew 9:37-  3810:5-1513:18-3037-43; 16:1922:9-1024:1428:18-20Luke 10:1-1824:46-53John 14:11-1215:7-8, 16; 17:1520:21Acts 1:828:26-4010:42-48; 13:2-3; Romans 10:13-15Ephesians 3:1-111 Thessalonians 1:82 Timothy 4:5Hebrews 2:1-311:39-12:21 Peter 2:4-10

Revelation 22:17.

XII. Pilna

          Christian upna thu in pilna leh khuamuhna hong neisak hi. Jesu Christ sungah pilna leh theihna a manpha khempeuh om hi. Tua a hih manin pilna taktak a hih nak leh Christian upna pana kingah a hihi. Pianthakna in lungsim kongkhak honga pilna sinnopna lungsim hong guan hi. Tham lo-in Christ gam sungah mission nasepna leh mihingte phattuam nading sepnate-ah pilna kisam tawntung hi. Pawlpi huhna kisam mahmah hi. Christ mite in kha lamah a khantoh nadingin kicingtaka Christian pilna sinna kisam mahmah hi.  

          Christian pilna sinna-ah suaktataka pilna sin theih nading leh thuman ding kisam mahmah hi. Mihing nuntakna sungah suahtakna in ciangtan om thei lo hi. Christian sang, college leh Lai siangtho sang sia khat in na khempeuhah Jesu Christ a thupi pen a hihna, Lai Siangtho-i thuneihna leh bang hanga sang kihong, cih tung tawnin a suahtakna uh a theih ding kisam mahmah hi. Deuteronomy 4:1,5,9,146:1-10; 31:12-13Nehemiah 8:1-8Job 28:28Psalms 19:7ff.; 119:11; Proverbs 3:13ff.; 4:1-10;  8:1-7,1115:14Ecclesiastes 7:19Matthew 5:2; 7:24ff.; 28:19-20Luke 2:401 Corinthians 1:18-31; Ephesians 4:11-16Philippians 4:8Colossians 2:3, 8-91 Timothy 1:3-72 Timothy 2:153:14-17Hebrews 5:12-6:3James 1:53:17.

XIII. Neihsa Kepsiamna (Stewardship)

           Thupha khempeuh hong luankhiatna Naak in Pasian a hihi. Leitung thupha hi ta leh kha thupha hi ta leh a vekpi-in Pasian kiang pan a kingah a hihi. I hi bangbang, i neih bangbang Pasian tungah i ba hi. Leitung bupah zong kha thu-ah lei i ba hi. Lungdamna thu a siangtho-a kep siam ding leh neihsate mahmah kep siam ding kisam mahmah hi. Tua a hih manin Christian khempeuh in hun, siamna, leh neihsa tawh Pasian na a sep ding uh kisam hi. Hihte khempeuh Pasian minthanna-a zat dinga hong kipia a hih lam phawk ding kisam mahmah hi. Lai Siangtho sungah a gen bangin Tanpa thu leitungah a kizelh nadingin Christiante in a neihsa uh phaltak, hun mantak, kiciantaka a ngah zah uh tawh kituaka a piak ding uh kisam hi.

Genesis 14:20Leviticus 27:30-32Deuteronomy 8:18Malachi 3:8-12Matthew 6:1-4,19-21; 19:21; 23:2325:14-29Luke 12:16-21,4216:1-13Acts 2:44-475:1-1117:24-25; 20:35; Romans 6:6-2212:1-21 Corinthians 4:1-26:19-201216:1-4; 2 Corinthians 8-9; 12:15; Philippians 4:10-191 Peter 1:18-19

XIV. Kipawla Sepkhopna 

           Christ mite in a hun zui-in kiciantaka kipawl theih nadinga a kisam bangin kipawlna tuamtuam: association leh convention phuan thei hi. Tua kipawlnate khat leh khat ki-uk thei lo ding hi. Christ gam keek nadinga mission nasepna, pilna sinna leh mihingte phattuam nadinga nasepnate-ah Lai Siangtho Thak Pawlpi sunga pawlpimite khat leh khat a kihuh ding uh kisam hi. Lai Siangtho Thak tawh kituak Christ sunga kipumkhatna in kha thu tawh kituak kilemna leh tupna sawmna khat a tangtun’ nadinga kithutuahna a hihi. Tua banga kipawlkhopna-ah Lai Siangtho Thak upna leh pawlpi upna a peengsak lo ding kisam hi; Christ tunga thumanna a kiamsak lo ding kisam hi.Exodus 17:1218:17ff.; Judges 7:21Ezra 1:3-42:68-695:14-15; Nehemiah 4; 8:1-5; Matthew 10:5-1520:1-1622:1-1028:19-20Mark 2:3Luke 10:1ff.; Acts 1:13-14; 2:1ff.; 4:31-3713:2-315:1-351 Corinthians 1:10-173:5-1512; 2 Corinthians 8-9; Galatians 1:6-10; Ephesians 4:1-16Philippians 1:15-18

XV. Christian leh Mihingte Om Dan

            Christiante in amau nuntakna leh a kiim a paamah Christ deihna a thupisak pen ding uh kisam hi. Mihingte nuntakna a phattuam nadinga hanciamna, sepna, bawlnate-ah khat ciat in Jesu Christ sungah Pasian hong hehpihna thu tawh a pianthak masak ciang bekin kiptak khotakin kisem thei hi. Christiante in minam kideidanna, duhhop huaihamna, angsung bek theihna leh gitloh sehuaina, mi zi mi ta tawh mawhna-a kipan numei/pasal ut banga pheng tatna, numei leh numei/pasal leh pasal kingaihna, tangguak lim etnate nakpi-a a nial ding uh kisam hi. Meigong tagahte, mizawngte, bawlsiatna thuakte, piteek puteekte, dam lote leh a cimawhte huh ding kisam hi. A nu tai sungah a pian’a kipan a suak nai lo a nu gil sunga om naupangte hut ding kisamhi. Christian khempeuh in nasepna, kumpi sung leh mihon kipawlna sungah thuman thutak leh sanggam itna tawh a hanciam ding kisam hi. Tua banga a pian’ zawh nadingin Christian khempeuh in mi khempeuh tawh deihsakna lungsim tawh a sep khop theih ding thupi hi. Christ tunga thumanna leh thuman thutak a kiamsak ding a hih kei nak leh itna lungsim tawh a sep khop theih ding kisam hi

Exodus 20:3-17Leviticus 6:2-5Deuteronomy 10:12; 27:17; Psalm 101:5Micah 6:8; Zechariah 8:16Matthew 5:13-16,43-4822:36-4025:35Mark 1:29- 342:3ff; 10:21Luke 4:18-2110:27-3720:25John 15:1217:15; Romans 12–14; 1Corinthians 5:9-106:1-7; 7:20-2410:23-11:1Galatians 3:26-28Ephesians 6:5-9;Colossians 3:12-171 Thessalonians 3:12; PhilemonJames 1:272:8.

XVI Kilemna leh Gal 

                    Christian khempeuh in thumanna tung tawnin mi khempeuh tawh a kilem theih ding thupi hi. Christ hong hilhna tawh kituakin leitungah gal a bei theihtheih nading hanciam huai hi. Gal lungsim a bei theih nading a thupi pen in Topa Lungdamna thu a hihi. Leitungah a thupi pen in gam khempeuh minam khempeuh in a hihna khempeuhah Topa Jesu hong hilhna  sanga hong itna thu a hinpih ding uh a hihi. Christian khempeuh in Kilemna Kumpipa in leitung A uk ding thu a nget ding uh kisam mahmah hi.   Isaiah 2:4Matthew 5:9,38-486:3326:52Luke 22:36,38Romans 12:18-1913:1-7; 14:19Hebrews 12:14James 4:1-2.

XVII. Biakna Suahtakna 

                       Pasian bek in mihing lungsim uk thei hi. Lai Siangtho tawh a kituak lo, Lai Siangtho sunga a om lo mihingte hilhna leh thukhamte tawh kipelhsak hi. Pawlpi leh gam sung ki-ukna a tuaka khen theih ding kisam hi. Pawlpi khempeuh in kha thu a zon’na-ah suaktataka a zon’ theih nadingin kumpi hutna kisam hi. Tua banga suahtakna a piak ciangin kumpi in deidan a neih loh ding kisam hi. Pasian phalna tawh leitung kumpite zong a om thei a hih mah bangin Lai Siangtho tawh a kituak a hih nak leh Christiante in kumpi thu a man’ ding uh a hihi. Christiante in amau sep dingte kumpi semsak ngei lo ding hi. Mi khempeuh in Christ lungdamna thu a ngah theih nadingin thu dang ngaihsun lo-in tua thu bek mah ngaihsun hi. Biakna upna hangin kumpi in kuama tungah thu nei thei lo ding hi. Phiangsiah zong la thei lo ding hi. A suakta ki-ukna sunga a suakta pawlpi a deihhuai pen a hihi. Tua sungah suaktatak leh vaikhak om lo-a Pasian a zuat theih ding uh kisam hi. Kumpi in biakna a nawngkaisak loh ding kisam hi.   Genesis 1:272:7Matthew 6:6-7,2416:2622:21John 8:36Acts 4:19-20Romans 6:1-2; 13:1-7Galatians 5:1,13Philippians 3:201 Timothy 2:1-2James 4:121 Peter 2:12-173:11-174:12-19.

XVIII. Innkuan 

                    Pasian in mihing kipawlna a bulpi dingin innkuan Na koih hi. Innkuan sungah nupa, sisan tawh kinaina leh midang khat peuh ta banga kepna kihel hi. 

                     Kitenna in numei leh pasal khang tawntung teng khawm ding, ci-a kiciamna a hihi. Numei leh pasal kitenna in Christ leh pawlpi a kizopna hong lak hi. Nupa kikalah sung leh pua kithei-a kilawmtakna, Lai Siangtho hilhna banga zumna om lo-a omkhopna leh mihing punga a khan’ nading a hihi. 

                     Pasian in mihing A bawlin Ama lim leh meel suna A bawl a hih manin pasal leh zi in Pasian mai-ah kibang uh hi. Nupa kizopna in Pasian leh mihingte kizopna lim hong lak hi. Christ in A pawlpi A it mah bangin pasal in a zi it ding hi. Pasian siam bangin pasal in a innkuan ading zongin vai-in hu-in makaih ding hi. Pawlpi in Christ lutanga a neih mah bangin zi in zong gitna tawh pasal makaihna zui-in a pasal thu mang ding hi. A pasal tawh kibangin Pasian in Ama lim leh meel suna A bawl a hih mah bangin Pasian mai-ah kibang uha, innkuan vai leh khang sawnte pattahna-ah zahtakna tawh a pasal huh ding hi.  

             Nu sungah mi banga a piana kipanin tate in Topa in A piak thupha leh gam a hihi. Nute pate in tate tungah nupa kitenna lim a lah theih ding kisam hi. Kha thu leh gamtat pha a hilh ding, amaute nuntakna lim tawh etteh tak cing dinga a makaih ding kisam hi. Lai Siangtho hilhna tawh kituaka thu khat peuhpeuh a khensat thei dinga a hilh ding kisam hi. Tate in nute pate thu manga a zahtak ding uh kisam hi. Deuteronomy 6:4-9Joshua 24:151 Samuel 1:26-28;Psalms 51:578:1-8; 127; 128; 139:13-16Proverbs 1:85:15-206:20-22; 12:4; 13:24; 14:1; 17:6; 18:22; 22:6,1523:13-1424:329:15,1731:10-31Ecclesiastes 4:9-129:9Malachi 2:14-16Matthew 5:31-32; 18:2-5;19:3-9; Mark 10:6-12Romans 1:18-321Corinthians 7:1-16; Ephesians 5:21-33; 6:1-4Colossians 3:18-211 Timothy 5:8,142 Timothy 1:3-5Titus 2:3-5Hebrews 13:41 Peter 3:1-7.

Genbehna

               Mihing kipawlna bulpi dingin Pasian in innkuan Na phut hi. Leitung pian’ cil peka kipan mihingte Ama deihna banga a nuntak theih nading leh lai sim sanga lai hilhna bangin innkuan na phut hi. Ki-ukna leh biakinn kikhop a om ma-in Pasian in numei leh pasal kilawmtakna, ki-ukna, mihing punga a khan’ nading leh Pasian biakna a nei dingin Eden huan sungah numei leh pasal Na gawmin innkuan Na phut hi. 

Kitenna 

               Pian’ cil pekin Pasian in kitenna Na bawlin (Gen. 2:24) Lungdamna thubute (Matt. 19:5) leh sawltak Paul laikhakte (Eph. 5:31) sungah Na kipsak hi. Lai Siangtho tawh kituak hih kitenna in kum sawtpi khang tampi leh ngeina tuamtuamte kanin kimang khin hi. Lai Siangtho tawh kituak kitenna in numei khat leh pasal khat tuak bek kithukima kiciamna hi-a a tawntunga a kip ding a hihi. Lungkimlohna a om cianga kikhen ziau ding, ci-a kiciamna hi lo hi. Pasian mai-ah kiciama kitenna a kipsak penin nupa khat leh khat a hi bangbanga kisanga ki-itna a hihi.

                     Thu-um mi khempeuh in Lai Siangtho deihna tawh a kituak lo nupa lo buang numei/pasal omkhopna a nial ding uh kisam hi. Pasian geel a bang lo kitenna in Pasian lim leh meel mansulhsakin (Gen. 1:27) Pasian in numei khat leh pasal khat bek om khawm ding, ci-a A deihna siasak hi. Numei leh numei kitenna, pasal leh pasal kitenna in Pasian vaihawm langpan a hih manin (Rom. 1:18-32) mihing punga a khang ding zong kham hi.  

            Kitenna-ah mihing nih pum khat sa khat suak hi (Gen.2:24); innkuan nih kigawm uh hi; nupate in Christ leh Pawlpi kha thu-ah a kizopna lak hi (Eph.5:23-27). Khang tawntunga kha leh lungsim tha kipiak nadinga kigawmna a hihi (Deut. 24:5); nupa kilunggulhna-ah lungkimna a ngah nading a hihi; suan leh khak nei-a khanggui kizop nading a hihi. Pasal leh zi in Adam leh Eve a puk ma-a kizopna lim hong laka (Gen.2:8-25) Lai Siangtho a kibawl tak ciangin limtakin gen pha kik hi (Eph. 5:21-33Col. 3:181 Pet. 3:1-7).Pasian geel kitenna pen khan’ tawn ding hi-a kikhenna a om ciangin nupa kikhente bek hi lo-in a u a naute ciat dongin lungsim natna piang hi. Tua a hih ciangin nupa kikalah buaina a om ciangin kikhenna a om loh theihtheih nadinga kilemtuah ding kisam mahmah hi (Mal.2:16). Jesu in nupa kikhen ding deih vet lo hi. Leitung pian’ cila Pasian vaihawm nupa thu-ah (Gen.2:24) kikhenna om lo napi mihing lungsim khauhna in Pasian geelna susia thei hi, ci-in gen hi (Matt.5:31-3219:3-9Mark 10:6-12Luke16:18Rom. 7:1-31 Cor. 7:1-16).

            Pukna in leitungah buaina tuamtuam a pian’sak mah bangin nupa thu-ah zong dahhuaina tampi hong guan hi. Pasal in itna leh kiniamkhiatna tawh a zi a makaih ding sangin zawhthawhna leh a piang bangbang awlmawh lo, don lo-in om thei hi. A zi in zong a pasal thu a man’ ding sangin uk nuam zaw thei hi. Christ tatkhiatna sungah pasal in gitlohna, goltolna leh duhhop huaihamna pai-in itna tawh a zi a don ding a hihi (1 Pet.3:7); a zi in zong a pasal thu nial nuam lo-in a pasal makaihna kiniamkhiatna lungdama a zuih ding a hihi (1 Pet. 3:1-2).

Pasalte

                     Christ in A pawlpi A it mah bangin pasalte in zong a zite a it ding Pasian in deih hi (Eph. 5:25). Hih itna in a zite hu-a donin tha pia hi. Pasal in kha thu, lungsim, pumpi-ah a zi itna tawh makaih hi.   

              Lai Siangtho sungah a gen mah bangin Puk ma himhima pasal in innkuan lutang dinga Pasian in A koihsa hi-a mawhna hang hi lo hi (Gen. 2:15-17; Num. 1:2-317-19). Kiniamkhiatna tawh makaih ding hi-a kiphatsakna leh ukcip nopna lungsim tawh, ‘Kei a pasal hi ing,” cih ding hi lo hi. Zi in zong itna tawh a pasal makaihna thupisakna leh zahtakna tawh zui ding hi (Eph. 5:21-22331 Pet. 3:1-4).

              Nasem banga omna in makaihna beisak lo hi; a sep dan ding gen zaw hi. Topa Jesu nuntakna-ah kimu thei hi (Luke 22:26Heb. 13:17). Pasal in nasem-makai bangin makai-in zi in zong angsung ngaihsun lo-in kiniamkhiat ding hi (Eph. 5:23-27Phil. 2:5-8). Mihing A Bawlpa in innkuan sungah pasal leh zi lim ding hong lak bek lo-in Christ sungah a kibang a hihna zong kipsak hi (Gal. 3:281 Pet. 3:7). Zi in pasal makaihna kiniamkhiata a zuih mah bangin pasal in zong zi kisap itna tawh khoi ding hi (Eph. 5:25-291 Pet. 3:7).

Zite

                Zite in pasalte panpih ding uh hi (Gen. 2:18). Zi in a pasal tungah kiniamkhiata a thu a man’na tawh ama kineumuh tuan lo hi; a pasal leh Topa in it semsemin manpha sa semsem zaw hi (1 Pet. 3:4). Hih banga kiniamkhiata a pasal makaihna a zuihna tawh midangte tungah Pasian thu genna-in kinei thei hi. (1 Pet. 3:1-2); Pasian min phatna suak thei hi (1 Pet. 3:4-6); Topa a muan’na zui-in kha lamah khantohna zong suak thei hi; Pasian Kammal zahtakna zong suak thei hi (Titus 2:3-5).

                   Pasian in Amah leh Amah ‘Huhpa’ ci-in zong kigen hi (Ex. 18:4Deut. 33:7). Pasian bawlsa numei in hih leitung uk zawh nadingin a pasal tawh kithuaha suan leh khak a neih nading zong a hihi (Gen. 1:282:18). Tua kammal sungah a lian zaw a neu zaw genna om lo hi; a manphatna bek kigen hi. Pasian vaihawmna sungah numei in ama sanah a pasal tawh kibuptuahin om hi. A pasal tawh a kibangin Pasian in Ama lim leh meel suna A bawl a hihi (Gen. 2:18). A nihin Pasian lim leh meel pua uha a hih hangin a tuam tuakin pulak uh hi. Tua hi-a Pasian in numei leh pasal a kibang lo-a A bawl a hihi (Gen. 1:27). Numei leh pasal a kizopna in Pasian leh mihingte a kizopna hong lak hi. Itna tawh numei pasal a kikima kipumkhatna sungah makaihna leh thuman’na in Pasian lim leh meel hong langsak hi. 

Nute Pate leh Tate 

                  Innkuan in Topa lamah naupang khat pattah masak nading mun a hihi (Prov. 22:6). Nute pate in amau nasep a thupi pen in a tate uh Pasian thu (hotkhiatna thu) a genpih ding uh a hihi. Lai Siangtho a hilh ding uh (discipleship) a hihi. Nute pate in:

  1. A tate uh muh theih dingin amau mahmah nuntakna tawh Pasian thu a lah theih ding uh kisam hi (Deut. 6:4-920-25Josh. 4:6-7); 
  2. Lai Siangtho sung pan gamtat hoih gamtat pha a hilh theih ding kisam hi; 
  3. Topa na a sep theih nading uh kiciantaka a pattah ding uh kisam mahmah hi (Ps. 78:4-8). A tate uh gamtat theih ding, gamtat theih loh ding huang a bawl ding kisam  mahmah hi  (Prov. 3:12; 13:24; 22:623:13-1429:1517Eph. 6:4). A gamtatna uh bangbang Pasian tungah a lak thei dinga a kisinsak ding kisam mahmah hi (Ps. 119:9-11).

Ta nei lo nupate, zi nei lo, pasal nei  lote in zong tanau meltheihte, veng kim veng pam leh pawlpi sunga naupangte tungah amau hih theih ciangciang, hih zawh zahzaha Pasian thu a hilh ding uh kisam mahmah veve hi. 

Thukhupna 

                      A hun zui-a thu piangte a hih kei leh mihingte ngaihsut tawm thute tawh upna leh zuihna khel themthum loh ding thupi mahmah hi; Lai Siangtho bek in upna leh zuihna thute-ah thu a neih ding thupi mahmah hi (2 Tim. 3:16-17Heb. 4:122 Pet. 1:20-21). Pasian in innkuan tung tawnin A mite tungah kihil hi: innkuan sung om dan tawh kizui-in vantungah a tawntunga nuntak nading thu hong hilh hi. Innkuan sung (pasal leh zi, nute pate leh tate) kihona tawh thu-um mite leh Pasian a kiho nading lim hong lak hi: Pasian in Pa hi-in Jesu in Ta hi-a Pawlpi in Christ-i mo hi-in thu-um mite in tate hi, ci-in hong hilh hi. Kha thu-ah hilhna, gamtat hoih gamtat pha neih nading hilhna, nungzui hoih suak nading pattahnatte innkuan sung pan kipan ding hi (Deut. 6:4-9). Christ a bulphuh innkuan sung pan Pasian a um lo mite tungah Pasian thu theisak ding uh hi. Hih innkuante sungah Lai Siangtho kisinin innkuan sung nuntak dan ding zong Pasian thu sinna kinei hi. 

                     Pasian a um innkuante in pawlpi huha tua mah bangin pawlpi in zong Pasian a um innkuan a pian’ nadingin huh hi. Lai Siangtho in innkuan nuntakna leh pawlpi sung nuntakna kizomsak hi (1 Tim. 3:55:1-2). Innkuan sung kimakaihna in zong pawlpi sung makaihna lim kilangsak hi (1 Tim. 2:9-143:1-7Titus 1:5-9).Innkuan in Pasian thu a kipat khiatna mun hi-a innkuan sung panin Pasian um tate a khang a khangin khang khia hen, ci-in lungsim tak tawh kong pulak uh hi (Deut. 6:4-9Ps. 78:5-7).