May 29, 2022

CZBC

THE WAY, THE TRUTH AND THE LIFE!

Pawlpi Taangthu

Kipatkhiatna

Pasian lamlahna tawh 2008 kumin USA leitang Indianapolis, Indiana ah Zomite kihon tun hi. Zomite in ei ma pau tawh Pasian biakpiakna ding min lawh theih ding Pawlpi kinei nai lo ahih manin Zomi Innkuan min tawh biakpiakna kinei hi. 2009 kum ciangin Zomi Christian Fellowship cih min tawh biakpiakna kipankhia hi.  Tua zawh kum 2 khit ciang fellowship min tawh kalsuanna lem kisa nawn lo ahih manin June 26, 2011 ni-in innkuan 5 leh mimal 2 tawh Lai Siangtho John 14:6 mun bulphuh in Calvary Zomi Baptist Church pawlpi kipankhia a Rev Thang Za Pau in pawlpi apna hong neihsak hi.  

Tupna Ngimna

Kha Siangtho makaihna tawh kipumkhat in suaktatak Pasian baikpiak khop theihna ding, Pawlpi mite haksatna kihuh kipanpih theihna ding,  Khazih hong sawl lungdamna thu genkhiatna ding, Kipawlna tuamtuamte tawh kizomin mimal innkuan pawlpi khantoh theihna dingin nasep khop theihna ding,  Zeisu lim sun pawlpi mihoih suahna tawh nuntak lapsang theihna ding, Khazih sungah Tuiphum Pawlpi upna zuihna a khan semsem theihna ding leh limpha lah khiat theihna ding.

Kizoppih

State Baptist Convention of Indiana nuai-aa om Crossroad Baptist Association in May 8,2012 ni-in full member khat-in hong sang hi.